ನವದೆಹಲಿ: ಫೆಬ್ರವರಿಯಲ್ಲಿ ಒಟ್ಟು ಜಿಎಸ್ಟಿ ಸಂಗ್ರಹವು ವರ್ಷದಿಂದ ವರ್ಷಕ್ಕೆ ಶೇಕಡಾ 12.5 ರಷ್ಟು ಏರಿಕೆಯಾಗಿ 1,68,337 ಕೋಟಿ ರೂ.ಗೆ ತಲುಪಿದೆ.
ಫೆಬ್ರವರಿ 2024 ರಲ್ಲಿ ಸಂಗ್ರಹಿಸಿದ ಒಟ್ಟು ಸರಕು ಮತ್ತು ಸೇವಾ ತೆರಿಗೆ (GST) ಆದಾಯವು 1,68,337 ಕೋಟಿ ರೂ.ಗಳಾಗಿದ್ದು, 2023ರ ಇದೇ ತಿಂಗಳಿಗೆ ಹೋಲಿಸಿದರೆ ಶೇಕಡಾ 12.5ರಷ್ಟು ಹೆಚ್ಚಳವಾಗಿದೆ.
ದೇಶೀಯ ವಹಿವಾಟುಗಳಿಂದ ಜಿಎಸ್ಟಿಯಲ್ಲಿ ಶೇ.13.9ರಷ್ಟು ಹೆಚ್ಚಳ ಮತ್ತು ಸರಕುಗಳ ಆಮದಿನಿಂದ ಜಿಎಸ್ಟಿಯಲ್ಲಿ ಶೇ. 8.5 ರಷ್ಟು ಹೆಚ್ಚಳವು ಈ ಬೆಳವಣಿಗೆಗೆ ಕಾರಣವಾಗಿದೆ ಎಂದು ಹಣಕಾಸು ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.
ಫೆಬ್ರವರಿ 2024ರಲ್ಲಿ ಮರುಪಾವತಿಯ ಜಿಎಸ್ಟಿ ಆದಾಯ ನಿವ್ವಳವು 1.51 ಲಕ್ಷ ಕೋಟಿ ರೂ.ಗಳಷ್ಟಿದ್ದು, ಇದು ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿ ದರೆ ಶೇ. 13.6 ರಷ್ಟು ಬೆಳವಣಿಗೆಯಾಗಿದೆ.
ಫೆಬ್ರವರಿ 2024 ರ ಇತ್ತೀಚಿನ ಸಂಗ್ರಹದೊಂದಿಗೆ, ಪ್ರಸಕ್ತ ಹಣಕಾಸು ವರ್ಷದ ಒಟ್ಟು ಜಿಎಸ್ಟಿ ಸಂಗ್ರಹವು 18.40 ಲಕ್ಷ ಕೋಟಿ ರೂ.ಗಳಷ್ಟಿದೆ, ಇದು 2022-23ರ ಹಣಕಾಸು ವರ್ಷದ ಇದೇ ಅವಧಿಯ ಸಂಗ್ರಹಕ್ಕಿಂತ ಶೇ.11.7 ರಷ್ಟು ಹೆಚ್ಚಾಗಿದೆ.
